أنا بطلع من المنتدى ..

[خالد السويدي]

مســاء الخيــر ..

العنــوان واضح .... وهو مو عنوان موضوع بطرحه لكم أو فبركه ..


أول شي أحب أشكر صالح الدهمشي اللي عرفني عليكم وكنتم خير من عرفت ..

واشكرك إدارة المنتدى على كل الجهود المبذولة ..

وشكر خاص لــ صوتك يناديني على الوسام الغالي ..


انا خروجي من المنتدى مو لسبب معين او اني حسيت بمضايقه في المنتدى ..

لا والله .. بس احس اني ما عاد عندي شي اعطيه ..

وهذا هو السبب .. وبالطبع مستحيل اجلس وانا ماعندي شي .. وما احب انزل موضوع أي موضوع من شان تزيد مشاركاتي .. لو بزيد مشاركاتي كان شاركت بمنتدى الألعــاب أو اني انزل كل يوم عشر مواضيع بأي مجال حتى لو مالي إهتمام فيه ..

زبدة الكلام .. انا بطلع ..

واللي اخطيت بحقه يا ليت يسامحني .. واللي يبي شي مني يرد على الموضوع وماله إلا طيبت الخاطر او يرسل رساله على الخاص ..


اتمنى اني ماكنت ثقيل طينه عليكم .. واشكركم على سعة صدوركم ورحابتها ...


تحياتي للجميع / خالد السويدي

[ملاك الحرية]

** نقدر لك كل ظروفك ، ونستمع إلى أعذارك حتى شروق الشمس ما عندنا مشكلة ،،،

ولكن هل شعورك هذا الذي وصفته أنت هو عذر كافي ؟؟؟ ،،،

أنا عن نفسي لا أقبله ، لأنك تقدم الكثير ما شاء الله عليك ،،،

ووجودك لا نستغني عنه ، وإن شاء الله لا يفرقنا أي شيء أو أي ظرف ،،،

سامحني يا الغالي على كلماتي هذه ، بس عسى تقبل رجائي ولا تترك المنتدى ،،،

دمت بصحة وعافية

[ذهوووول]

امممممهل الموضوع على ظاهره ؟!!
أم هناك شيء
ماوراء السطور ؟!!


وجودك ،،
كان مميز بل ومبهج
فلاتحرمنا ابداعك
ولا نزال بشوق لأحرفك


تحياتي

[خالد السويدي]

أشكرك يا ملاك على المرور .. وفيكم الخير


ذهووووول .. مشكورة على مرورك ...



مع السلامــــة ..

[امة الله]

كما قال اخي ملاك

عذرك هذا غير مقبول لانه غير مقنع ابدا

الحمد لله ما دمنا نعيش في هذه الحياة الا وهناك الجديد

ولو مشاركة بكلمة شكرا تكتبها لاخيك فهذا في حد ذاته جديد

اخي "خالد "انضمامك لهذا المنتدى زاده رقي وتشرفنا بوجودك معنا وابدعتنا بمواضيعك.، بردودك.... ولا نقبل ان يكون طلوعك منه بهذا الشكل ابدا ابدا.

كلنا اخوة في الله جمعنا هذا المنتدى واعتبرناه بيتنا الثاني وصرنا بفضله اخوة متقاربين رغم اختلافنا ورغم بعدنا ورغم.....

فهل ممكن ان تفارق اخوانك وتنسحب عنهم؟؟؟؟؟؟

اتمنى ان نبقى مجتمعين تحت سقف منتدى "ارجوك اعفيني" وربي ما يفرق لمتنا ابدا تحت اي سبب من الاسباب.

فلا تحرمنا اخي "خالد" من هذه اللمة

[خالد السويدي]

حياك الله وخيتي امة الله ..


القدر بالصدر وانا اخوك .. مو كلام وبس ..

هذا اول شي .. وانا شفت فيكم اخوان واكثر بطيبتكم ورحابتكم ..

وكلمة شكراً ما اعتبره رد ولا مشاركه تستاهل تواجدي ..


وعلى قولتك كلنا اخوان ..

بس ماني منقطع عنكم .. كله فتره وفتره بسأل عنكم صالح الدهمشي واتابع اخباركم ..


يمكن نفسيتي لها دور كبير بإنسحابي ..

وعلى فكرة من النت كله مو بس من ارجوك اعفيني ..

شفت فيك اخت .. شفت فيك طيبه ولا يهون الجميع ..

مع ألف سلامــه

[ولـــد نعمه]

اخوي خالد قبل تطلع عندي امنيه ابيك تحققها انت لي حتى فيه بعض الاعضاء ما سوها لي <<< واحد مصلحجي ههههههه


ممكن تحققها لي (( اخوي )) خالد السويدي

[صوتك يناديني]

اخوي خالد ياليت تتراجع عن قرارك ومو من السهل ان نفتقد اي عضو من اعضاء منتدانا الغالي

اخوي عذرك ليس مقبوول لترك المنتدى

ياليت اخووي تتراجع عن قرارك

تحياتي لك

[خالد السويدي]

اخوي خالد قبل تطلع عندي امنيه ابيك تحققها انت لي حتى فيه بعض الاعضاء ما سوها لي <<< واحد مصلحجي ههههههه


ممكن تحققها لي (( اخوي )) خالد السويدي




سم آمر ..

وانت اطلب عزك ومالك إلا طيبت الخاطر ..


لو تبي عيوني ..


وش بغيت اخوي وانا تحت آمرك ..

[خالد السويدي]

اخوي خالد ياليت تتراجع عن قرارك ومو من السهل ان نفتقد اي عضو من اعضاء منتدانا الغالي

اخوي عذرك ليس مقبوول لترك المنتدى

ياليت اخووي تتراجع عن قرارك

تحياتي لك


صوتـكـ .. انت عزيز وغالي .. ولو اني ماتشرفت فيك كمعرفه شخصيه ..


وقراري .. وين ماتبي ..

وانا تحت آمـــرك ..

[ولـــد نعمه]

سم آمر ..

وانت اطلب عزك ومالك إلا طيبت الخاطر ..


لو تبي عيوني ..


وش بغيت اخوي وانا تحت آمرك ..



امنيتي انك ما تترك المنتدى

الا لظروف اقوى منك يا غالي

و يا ليت تحققها لي يا غالي

[خالد السويدي]

ولـد نعمـه ...


وش تبيني اقول لك !!


انت عزيز وغالي ..


ولي الشرف فيك وبمعرفتك ..




وانت طلبت وانا عطيتك ..

[ولـــد نعمه]

مشكور اخوي خالد
ولي الشرف انك تكون معنا
واقول

لي الشرف بمعرفة الرجاجيل امثاله
امثال خالد السويدي و المطاليق
اليا نصيته ما يخيب اللي نصاله
تسلم يا السويدي يا الصديق

[خالد السويدي]

ولد نعمه استلم ..


ولد نعمه اللي عمري حلاله=نعم الخوي.. وياعز الرفيق
وقتٍ به الفزعات هو مجاله=من فزع له ما يضام ولا يضيق
لا مد يمناه مد سمينات وجلاله=سلمه سما ..والطناخه طريق
شد.. شد.. شد ..وابعد يا من قباله=وقت العماء كل من ناشه بحريق
محمد ولد رجلٍ من أخّير سلاله=صيته علا ..كما النجمه.. يبرق بريق
جتك ابياتي متوّجه من خلاله=وياحظ من محمد... هو له صديق

خالد السويدي ..

[ولـــد نعمه]

خالد السويدي استقبل يا الغلا


يا هلا بالصديق اللي يداوي العليل

استلمت ابياتك ومنورات الطريق

نورت.... بها دنياي يالــخليل

و ابياتي تعجز عن مجازاتك الرفيق

لواكتب لــك.... بالنهار و الليل

انت المعجزه يا اغلى انسان وصديق

[خالد السويدي]

استلم يالخوي


قدرك بقلبي كما قدر الشيخ الجليل=والا كما سيفٍ بيدين الطليق
انت غالي واغلى من الغالي قليل=وبيننا عهد الصداقه يامحمد وثيق
وانت متربع ...اشوفك اطول طويل؟؟=لو حولك من الناس حسبت فريق
من داس لأطرافك اصبح ذليل=ومن باس اطرافك اصبح غريق
ايه غريق حشمه ...وهاك الدليل=وش جاب حايل لجبالك يا طويق

[ولـــد نعمه]

خالد عز الله كفيت ووفيت يا غالي


واسعدني تراجعك على ترك المنتدى

وتراني اخوي الصغير في المنتدى وبرا المنتدى

[خالد السويدي]

خالد عز الله كفيت ووفيت يا غالي


واسعدني تراجعك على ترك المنتدى

وتراني اخوي الصغير في المنتدى وبرا المنتدى



عداك العيب يا عــزوتي .. وانت تآمر آمر ..

ولي الشرف اكون اخ لشرواك .. بالمنتدى وبرى المنتدى .. يزيدني شرف بأي وقت ..